Impakto

Kiko nos ta logra huntu

Deskubrí e proyektonan ku nos a yuda hasi posibel i lesa e último notisianan.

11 resultado

Historianan i notisia

Muchanan ku camisa hel ta hasi un eksperimento ku un kabel elektriko durante e kampamentu Bida 101.

Bida 101 Life Skills

Adventure Kids Foundation

Durante e kampamentu di 10 dia den temporada di fakansi grandi, muchanan a desaroyá abilidatnan práktiko, sosial i emoshonal. Pa medio di aktividatnan ku ta enfoká riba konosementu propio, komunikashon i koperashon, entre otro, nan a traha riba nan konfiansa propio i independensia.

Un mucha homber ta pinta un kabai durante un aktividat.

Youth Home-Based & Learning Program

Futuro Briante

Durante fakansi di skol, Futuro Briante ta ofresé muchanan un ambiente seif i manera kas kaminda nan por keda, siña i desaroyá dia i anochi. Pa medio di guia personal, aktividatnan kreativo, deporte, lèsnan di kushinamentu i salidanan, nan ta traha riba nan konfiansa propio, abilidatnan sosial i resiliensia.

Partisipantenan ku red di kabei ta prepará plachi ku kuminda den un kushina.

Fortalesé Famianan Huntu

Excellence Center in Education

Mayornan i miembronan di famia enbolbí di muchanan ku ta asistí na e kuido di e Sentro di Ekselensia a risibí entrenamentu práktiko, guia personal, i e oportunidat pa haña eksperensia di trabou. Na finalisashon, tur partisipante a haña trabou pagá, kreando oportunidatnan nobo pa nan mes i nan famianan.

Hóbennan den uniforme blou kla ta marcha den formashon.

Brigada di Seguridat i Formashon

Youth & Development Foundation

Hobennan ta haña guia i entrenamento den disiplina i liderazgo. Di e forma aki nan ta traha riba nan konfiansa propio, sentido di responsabilidat i un perspektiva positivo pa futuro.

Caravana Trey i Nairobi

Fundashon Bos di Hubentut

Ku e maskotanan Trey i Nairobi, muchanan ta siña tokante nan derechonan, límitenan físiko, i e derecho di bisa nò na un manera fásil i aksesibel. Ku nos sosten, a desaroyá ocho videoclip edukativo pa e propósito aki.

Mamanan i yunan ta traha manualidat huntu na un mesa durante Ami ku Mami.

Ami ku Mami

GreenKidz i Children's Museum

Durante Ami ku Mami, mamanan i yunan a pasa tempu huntu den un ambiente ameno i inspirativo. Pa medio di aktividatnan ku a proveé espasio pa atenshon, dibertishon i konekshon, nan a traha riba fortalesé nan laso, ku ta kontribuí na e desaroyo di e mucha.

Dos partisipante ta mustra un sertifikado, ku un sonrisa.

Invertí i Kultivá bo mes

Learn-Develop & Grow Foundation

Pa medio di entrenamentu práktiko i guia personal, hóben i adulto ta siña manehá plaka mas konsiente i traha riba nan desaroyo personal. Hasiendo esaki, nan ta oumentá nan konosementu finansiero, konfiansa den nan mes i oportunidatnan pa futuro.

Together We Build Opportunities

Fundashon Kas di Arte Kòrsou

Durante e workshop aki, hoben- i adultonan ku un limitashon a traha di forma kreativo huntu ku un mayor. Nan a prosesá tayernan deskartá den produktonan bendí i a traha riba nan abilidatnan empresarial, konfiansa propio i koperashon.

Un homber ta kuida berdura den un baki di hòfi.

Daily Meal Program

Fundashon Daily Meal Program Curaçao

Tres biaha pa siman, e tim ta prepará kuminda saludabel pa hende ku por a usa sosten di kuminda. Ademas, residentenan lokal ta planta bèrdura fresku huntu den e hardin di komunidat i ta traha riba oumentá nan outosufisiensia.

Muchanan ta hunga un wega di futbòl riba un kancha di yerba artifisial.

WK pa Mucha

Fundashon Bicentini

Durante e torneo di futbòl aki, muchanan a representá vários país i a haña un introdukshon na otro kultura. Pa medio di deporte i aktividatnan konhunto, nan a siña tokante un estilo di bida saludabel, inklushon i koperashon. Partisipashon i konekshon tabata sentral den esaki.

Un kòki ta yena bakinan di kuminda den e kushina di Siloam.

E kushina di Siloam

Fundashon Kleine Jeruzalem

Den e kushina di Siloam ta prepará kuminda kayente diariamente pa hendenan ku por a usa sosten di kuminda. Ku nos sosten, Fundashon Kleine Jeruzalem ta kontribuí na nan seguridat di kuminda.